وردبینی بۆ لیستی ناوی هێزەکانی پێشمەرگە دەکرێت

ئاڤا نیوز

شاندێکی چاودێریی دارایی عێراق بۆ وردبینی لە لیستی مووچەی هێزەکانی پێشمەرگە، لە وەزارەتی پێشمەرگەی هەرێمی كوردستانن لە هەولێر.

وێنە گەورەکە: سەرەڕای ناردنی لیستی مووچەی  پێشمەرگە بۆ بەغدا، بەڵام هێشتا مووچەی مانگەکانی پێنج و شەش لە لایەن وەزارەتی دارایی عێراق خەرج نەکراوە.

زانیاريی تایبەت: ئەمڕۆ 8-7-2024، لیژنەیەکی باڵای دیوانی چاودێریی دارایی و وەزارەتی دارایی عێراق بۆ وردبینی لە لیستی مووچەی هێزەکانی پێشمەرگە سەردانی وەزارەتی پێشمەرگەیان کرد.

زانیاريی زیاتر: ئامانج لە هاتنی شاندەکەی دیوانی چاودێریی دارایی و وەزارەتی دارایی عێراق، بۆ وەرگرتنی داتا و ژمارەی تەواوی هێزەکان و زانینی میلاکاتیانە.

 

زانیاریی بەدەستهاتوو: بە گوتەی سەرچاوەیەکی بەرپرس لە وەزارەتی پێشمەرگە، "شاندەکە هاتوون بۆ وردبینیی ناوەکان و ئەو لیستەی کە وەزارەت ناردوویەتی هێناویانەتەوە و بەدواداچوون بۆ ناوی چواری دایک و باوکی ناوەکان دەکەن".

 

ئەمەش بزانە: "ئەم وردبینییە بۆ هێزەکانی زێرەڤانی و بەرگری و فریاکەوتن و ئەوەی بە دیاریکراوی مەبەستیانە لە وردبینییەکە، هێزەکانی 70 و 80ـن، دوای تەواوبوونی وردبینییەکە هیچ کێشەیەک لە ناردنی پارەکە نامێنێت، بەڵام هەفتەیەک دەخایەنێت".