لە 12 کاتژمێری ئایندە بۆڕیی ئاوی ئیفراز سێی هەولێر چاک دەکرێتەوە

ئاڤا نیوز 

 

پێنج کاتژمێرە بۆڕیی ئاوی ئیفراز سێ شکاوە، تیمەکانی ئاو و ئاوەڕۆی هەرێمی کوردستان لەهەوڵی چاککردنەوەیدان و چاوەڕوان دەکرێت لە 12 کاتژمێری ئایندە چاک بکرێتەوە. 

 

وێنە گەورەکە: ئیفرازەکانی هەولێر سەرچاوەی ئاوی خاوێنی 50%ـی دانیشتووانی هەولێرن، ئیفراز سێ بە تەنیا ئاو بۆ نزیکەی 40 گەڕەکی هەولێر دابین دەکات.  

 

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان بە ئاڤا نیوزی گوت، "لە ماوەی 12 کاتژمێری ئایندە بۆڕییەکە بە تەواوەتی چارەسەر دەبێت و دۆخەکە ئاسایی دەبێتەوە".

 

ئەوەی پێویستە بیزانیت: نیوەی دیکەی ئەو ئاوەی دابین دەکرێت، سەرچاوەکەی لە ئاوی ژێر زەوی و بیرەکانەوەیە.