ئەمڕۆ ئەنجوومەنی پارێزگای کەرکووک کۆدەبێتەوە

ئاڤا نیوز

 

بڕیارە کاتژمێر 1:00ـی دوای نیوەڕۆی ئەمڕۆ پێنجشەممە لەسەر داوای سوودانی، ئەنجوومەنی پارێزگای کەرکووک کۆببێتەوە.

 

وێنە گەورەکە: هەشت مانگە هەڵبژاردنی ئەنجومەنی پارێزگای کەرکووک کراوە، بەڵام هێشتا لایەنە براوەکانی ئەو شارە نەگەیشتوونەتە ڕێککەتن بۆ هەڵبژاردنی پارێزگارێک.

 

لێدوانی فەرمی: حەسەن مەجید، ئەندامی ئەنجوومەنی پارێزگای کەرکووک لە فراکسیۆنی پارتی بە ئاڤا نیوزی ڕاگەیاند: دانیشتنەکە بۆ شەرعیەتدانە بە ئەنجوومەنی پارێزگا، دوای ئەم دانیشتنە بەگوێرەی یاسا پێویستە لەماوەی مانگێکدا پارێزگار و سەرۆکی ئەنجوومەن هەڵبژێردرێن.

 

ئەوەی پێویستە بیزانیت: بەگوێرەی زانیارییەکانی ئاڤا، تاوەکو ئێستا دوور لە چاوی میدیاکان چەندین دانیشتن لەنێوان لایەنەکانی پارێزگای کەرکووک کراوە، بەڵام نەگەیشتوونەتە هیچ ڕێککەوتنێک بۆ هەڵبژاردنی پارێزگار.

 

باکگراوند: ڕۆژی سێشەممەی ئەم هەفتەیە، سەرۆکوەزیرانی عێراق داوای لەلایەنە براوەکانی ئەنجوومەنی پارێزگای کەرکوک کرد، ڕۆژی پێنجشەممە بەسەرپەرشتیی بەتەمەنترین ئەندامی ئەنجوومەن کۆبوونەوە بکەن.