شاخەوان عەبدوڵڵا: بە دڵنیایی کوردێک دەبێتە پارێزگاری کەرکووک

ئاڤا نیوز

جێگری سەرۆکی ئەنجوومەنی نوێنەرانی عێراق ڕایگەیاند، لە پۆستی پارێزگاری کەرکووکدا کوردێک دادەنرێت، ئەویش بەگوێرەی ئیستحقاقی هەڵبژاردن کە کورد زۆرترین دەنگی بەدەست هێناوە.

وێنە گەورەکە: ئێوارەی ئەمڕۆ 11-7-2024، بە بەشداری سەرجەم لایەنەکان ئەنجوومەنی پارێزگای کەرکووک کۆبووەوە، دواتر کۆبوونەوەکە هەڵگیرا، بڕیارە لە ماوەی 30 ڕۆژدا بەگوێرەی یاسای ژمارە 4ی ساڵی 2023 پۆستەکانی پارێزگار و سەرۆکی ئەنجوومەنی پارێزگا و پۆستە ئیدارییەکانی دیکە یەکلایی بکرێنەوە.

لێدوانی فەرمی: شاخەوان عەبدوڵا، جێگری سەرۆکی پەرلەمانی عێراق، ڕایگەیاند: زۆر کەس پێیوابوو هەڵبژاردن و گۆڕانکاری لە ئیدارەی شارەکەدا ناکرێت، ئێمە بەڵێنمادا بکرێت و کرا، ئێستا شاندێکی پەرلەمانی هاتووین، بۆ پشتگیریکردنی هەنگاوەکانی ئەنجوومەنی پارێزگا.

"بەدڵنیایی کوردێک دەبێت بە پارێزگاری کەرکووک، چونکە ئیستحقاقی کوردە و زۆرینەی کورسییەکانی بەدەست هێناوە". شاخەوان عەبدوڵڵا وای گوت.