ترەمپ: ناوەڕۆكی گوتارەكانم دەگۆڕم

ئاڤا نیوز

 

دوای ئەوەی ترەمپ لە هەوڵێكی كوشتن ڕزگاری بوو، ناوەڕۆكی گوتارەكانی دەگۆڕێت و قسە لەسەر پرسی یەكخستنی وڵاتەكە دەكات.

 

وێنە گەورەكە: سەرۆكی پێشووی ئەمریكا بەردەوام هێرش دەكاتە سەر كابینەكەی بایدن و بەتووندی دژی وەستاوەتەوە، بەڵام دوای ئەوەی هێرشی كرایە سەر و خەریک بوو بكوژرێ، هەڵوێستەكانی گۆڕاون.

 

لێدوانی فەرمی: دۆناڵد ترەمپ، سەرۆكی پێشووی ئەمریكا ڕایگەیاند: ئەو گوتارەی كە لە كۆنگرەی حزبەكەمدا پێشكەشم دەكردە بۆ قسەكردن لەسەر كابینەكەی بایدن، دەیگۆڕم و لەمەودوا باسی یەكخستنی وڵاتەكەمان دەكەم.

 

ئەوەی پێویستە بیزانیت: دوای ئەوەی هێرش كرایە سەر دۆناڵد ترەمپ، دیموكراتەكان وەک ڕێزێك بۆ ترەمپ كەمپینی هەڵبژاردنەكانیان ڕاگرت و لەسەر ئاستی باڵا و دەنگدەرانیش پشتیوانیان بۆ ترەمپ دەربڕی.