ئەڵمانیا هاوکارییەکانی بۆ ئۆکراینا تاوەکو نیوە کەمدەکاتەوە

ئاڤا نیوز

بەگوێرەی ڕەشنووسی بودجەی ئەڵمانیا، ئەو وڵاتە هاوکارییە سەربازییەکانی بۆ ئۆکراینا تاوەکو نیوە کەمدەکاتەوە.

وێنە گەورەکە: یارمەتییە سەربازییەکانی ئەڵمانیا لە ساڵی داهاتوودا لە هەشت ملیار یۆرۆوە بۆ نزیکەی چوار ملیار یۆرۆ کەم دەبنەوە. 

ئەوەی پێویستە بیزانیت: ئەڵمانیا دەیەوێت لە ڕێگەی وەرگرتنی سوودی داراییە بلۆککراوەکانی ڕووسیا و دابینکردنی بۆ ئۆکراینا، شوێنی کەمکردنەوەی یارمەتییەکانی پڕ بکاتەوە.

زانیاریی زیاتر: دوای ئەمریکا، ئەڵمانیا گەورەترین کۆمەککاری سەربازیی ئۆکراینایە.

باکگراوند: لە شوباتی 2022ـەوە ڕووسیا و ئۆکراینا لە شەڕدان و وڵاتانی ڕۆژئاوا پاڵپشتیی ئۆکراینا دەکەن.