ئەمریکا توانای پێشمەرگە لە بەرەنگاربوونەوەی تیرۆر بەهێزتر دەکات

ئاڤا نیوز

کۆنسوڵخانەی ئەمریکا ڕایگەیاند، هاوکاری هێزەکانی پێشمەرگە دەکەن تاکو توانایەکی زیاتریان هەبێت لە بەرەنگاربوونەوەی تیرۆر لە کردەوەی تیرۆریستی و کارەساتە سرووشتییەکان.

بڵاوکراوەی فەرمی: کونسوڵخانەی گشتیی ئەمریکا لە هەرێمی کوردستان بڵاوی کردەوە: کونسوڵخانەی گشتیی ئەمریکا و خزمەتگوزاریی ئاسایشی دیپلۆماسی ڕاهێنانیان بە 24 ئەفسەری زێرەڤانی کردووە، کە تایبەت بوو بە توانای ڕوبەڕووبوونەوەی تیرۆر. 

ئەوەی پێوستە بیزانیت: کۆرسەکە تایبەت بوو بە پاراستنی ژێرخان لەکاتی ڕوودانی کاری تیرۆریستی و کارەساتی سرووشتیدا، بەشداربووان ئاشنابوون بە بونیادنانی هاوبەشیی کۆمەڵگەیی و دەستنیشانکردنی پێشوەختەی هێرش و تێگەیشتن لە کاریگەریەکانی تەقەمەنی. 

باكگراوند: لە 17ی مانگی تەمموز بەشداربووان کۆرسەکەیان تەواوکرد و مایکڵ بلیز  جێگری بەرپرسی ئاسایشیی هەرێمیی کونسوڵخانە و فەریق عەزیز وەیسی بڕوانامەکانیان پێشکەشکردن.