عەرەبی جەدید: هەرێمی كوردستان بووەتە شوێنێكی دڵخواز بۆ هاووڵاتیانی عەرەب

ئاڤا نیوز

ماڵپەڕی عەرەبی جەدید ڕاپۆرتێكی لەسەر ئەو هاووڵاتییە عەرەبانە كردووە كە لە هەرێمی كوردستانن، ئەو ماڵپەڕە نووسیویەتی" ناوچەكە بووەتە شوێنێكی ئارام و دڵخواز بۆیان".

وێنە گەورەكە: بەشێك لە هاووڵاتیانی خواروو و ناوەڕاستی عێراق و بەشێك لە وڵاتانی دیكەی عەرەبی، بۆ بەسەربردنی كاتەكانیان سەردانی هەرێمی كوردستان دەكەن، ئەمەش بووەتە جێگەی سەرنجی میدیا جیهانییەكان.

ئەوەی پێویستە بیزانیت: ماڵپەڕی عەربی جەدید لەسەر زاری چەندین هاووڵاتی عەرەب كە ئێستا لە هەرێمی كوردستانن بڵاویكردووەتەوە:" هەولێر و سلێمانی و سەرجەم شارەكانی دیكە بوونەتە لانكەیەكی ئارام بۆیان و چێژ لە كاتەكانیان دەبینن  و هەست بە ئارامی و ئاسایش و سەقامگیری دەكەن".

 

زانیاریی زیاتر: ماڵپەڕەكە نوسیویەتی: "دەیان شوێنی جوان ودڵگیر دروستكراون بۆ گەشتیاران و چێژی لێدەبینن و دەتوانن كاتێكی خۆش بەسەربەن".