مەسک چالاکبوونی خزمەتگوزاری ئینتەرنێتی ستارلینکی لە غەززە ڕاگەیاند

ئاڤا نیوز

دوای نۆ مانگ لە پچڕانی ئینتەرنێت، خزمەتگوزاری هێڵی ئینتەرنێتی ستارلینک لە سەرجەم نەخۆشخانەیەکی کەرتی غەززە چالاک کرا و ئێستا خەڵکی غەززە دەتوانن بەکاری بهێنن.

 

وێنە گەورەکە: لە سەرەتای شەڕی غەززەوە، ئیلۆن مەسک، ملیاردێر و بازرگانی ئەمریکی، ڕۆڵێکی دیار و بەرچاوی لە هەڵوێستی خۆیدا سەبارەت بە ڕووداوەکان بینیوە. بە پێچەوانەی زۆرێک لە پلاتفۆرمە میدیاییەکانی دیکە کە ناوەڕۆکی پشتگیری فەڵەستینیان سنووردار دەکرد و دەیانشاردەوە، مەسک ڕەتی کردەوە پلاتفۆرمی "ئێکس" بەشداری بکات لە سنووردارکردنی ناوەڕۆکی پەیوەست بە دۆخی غەززە.

 

کاریگەری و لێکەوتەکانی: ئەم هەڵوێستەی مەسک بووە هۆی ئەوەی هەندێک لە کۆمپانیاکان هەڕەشەی کشانەوەی ڕیکلامەکانیان بکەن لە پلاتفۆڕمەکە بەهۆی ئەوەی کە بە پشتیوانی دژە جووەکان دەیبینن و مەسکیش بەتووندی و سووکایەتییەوە وەڵامی ئەو هەڕەشانەی دایەوە.

 

بڵاوکراوەی فەرمی: ئیلۆن مەسک لە ئێکس ڕایگەیاند: خزمەتگوزاری ئینتەرنێتی مانگی دەستکردی ستارلینک لە نەخۆشخانەیەکی کەرتی غەززە بە هاوکاری ئیسرائیل و ئیماراتی یەکگرتووی عەرەبی (ئیمارات) چالاک کراوە.

 

ئەوەی پێویستە بیزانیت: پلاتفۆرمی "ئێکس" بەشداری کرد لە بڵاوکردنەوەی زانیاری سەبارەت بە دۆخی فەلەستین بۆ وڵاتانی ڕۆژئاوا و ئەمریکا، ئەمەش کە بووە هۆی فشاری زیاتر لەسەر ماسک لەلایەن کۆمپانیاکانی رێکلامەوە.