كۆڵبەرێكی كورد لە ڕۆژهەڵاتی كوردستان كوژرا

ئاڤا نیوز

كۆڵبەرێكی كورد لە سنوری نێوان هەرێمی كوردستان و ڕۆژهەڵاتی كوردستان،  بەتەقەی سوپای پاسداران كوژرا.

ئەوەی پێویستە بیزانیت: ئەو كۆڵبەرە خەڵكی ڕۆژهەڵاتی كوردستانە و ئێستا تەرمەكەی ڕادەستی كەسوكارەكەی كراوەتەوە.

زانیاريی بەدەستهاتوو: گەنجەكە تەمەنی 24 ساڵە ناوی نازم سەفەرییە، دانیشتووی گوندی نووێنە لە سنووری قەزای پاوەی ڕۆژهەڵاتی كوردستان، خێزاندار نەبووە و بەنیازبووە پایزی ئەمساڵ خێزان پێكبهێنێت.

وێنە گەورەكە: بە گوتەی ڕێكخراوەكانی مافی مرۆڤ لە ئێران و ڕۆژهەڵاتی كوردستان، لە ڕۆژهەڵاتی كوردستان ساڵانە زیاتر لە 60 كۆڵبەر لەلایەن هێزەكانی سوپای پاسدارانەوە دەكرێنە ئامانج و گیان لەدەست دەدەن یاخود بریندار دەبن.