دەستەی مافی مرۆڤ: تێوەگلانی هێزێکی ئەمنی لە کوشتنی دوو هاونیشتمانی سلێمانی جێگەی پرسیارە

ئاڤا نیوز 

 

لەبارەی کوژرانی دوو هاونیشتمانی لە سلێمانی لەماوەی 10 ڕۆژدا دەستەی سەربەخۆی مافی مرۆڤی کوردستان دەڵێت، هەردوو ڕووداو جێگەی پرسیارە.

 

وێنە گەورەکە: شەوی ڕابردوو لە گەڕەکی ڕاپەڕینی سلێمانی، چایچییەکی تەمەن 30 ساڵ بە دەستڕێژی گولـلە کوژرا کە کارمەندێکی کۆماندۆ تۆمەتبارە بە کوشتنی، هەفتەی ڕابردووش کەسێکی دیکە لەلایەن کارمەندێکی کۆماندۆوە کوژرا، ئەمەش کاردانەوەی لێکەوتەوە.

 

ڕاگەیێنراوی فەرمی: دەستەی سەربەخۆی مافی مرۆڤ لە هەرێمی کوردستان ڕایگەیاند: "هەفتەی ڕابردوو ئەندامێکی هێزە ئەمنییەکان لە سلێمانی کەسێکی کوشت و ئەمجارەش دووبارە ئەندامێکی هەمان ئەو هێزە ئەمنییە تۆمەتبارە بە کوشتنی هاووڵاتیەکی کاسبکار کە هەردوو حاڵەت جێگەی پرسیارە کە بەچەکی فەڕمی ئەنجام دراون".

 

زانیاریی زیاتر: دەستەکە ئاماژەی بەوەش داوە کە ئەرکی بنەڕەتی هێزە ئەمنیەکان بریتییە لە پاراستنی سەروماڵی هاووڵاتیان، ناکرێ خۆیان بەشێک بن لە تاوانەکان و شوێن و ئەرکی خۆیان بۆ ئەنجامدانی تاوان و هەڕەشە و کوشتن و لێدان بەکاربێنن.