پزیشكیان سوێندی یاسایی دەخوات

ئاڤا نیوز

ئەمڕۆ سێشەممە مەسعوود پزیشكیان، سەرۆككۆماری هەڵبژێردراوی ئێران، لە پەرلەمانی ئەو وڵاتە سوێندی یاسایی دەخوات.

وێنە گەورەكە: ڕێوڕەسمی سوێندخواردنەكە كاتژمێر 16 بە كاتی تاران بەڕێوە دەچێت. جگە لە بەرپرسانی باڵای سیاسی، سەربازی و دادوەریی ئێران، نوێنەرانی 86 دەوڵەت و 104 دەستە و دامەزراوەی نێودەوڵەتی لە ڕێوڕەسمەكەدا ئامادە دەبن. 

زانیاریی زیاتر: نێچیرڤان بارزانی، سەرۆكی هەرێمی كوردستان، بە فەرمی بانگهێشتی ڕێوڕەسمەكە كراوە و بڕیارە ئامادە بێت.

ئەوەی پێویستە بیزانیت: پزیشكیان بەربژێری ڕیفۆرمخوازەكان بوو كە توانی لە هەڵبژاردنی سەرۆكایەتیی كۆماردا بە سەر نەریتخوازەكاندا سەربكەوێت.