لە باکووری کوردستان و تورکیا زیاتر لە 100 بازرگانی ماددەی هۆشبەر دەستگیرکران

ئاڤا نیوز 

لە ئۆپەراسیۆنێکی جەندرمەی تورکیا لە 17 پارێزگای باکووری کوردستان و تورکیا، زیاتر لە 100 بازرگانی ماددەی هۆشبەر دەستگیرکران و دەست بەسەر یەک تۆن و 331 کیلۆگرام ماددەی هۆشبەردا گیرا.

وێنە گەورەکە: هەڵمەتەکان دژی بەرەنگاربوونەوەی ماددەی هۆشبەر لە بەشێک لە شارە کوردییەکان و چەند پارێزگایەکی دیکەی تورکیا زیادی کردووە.

 

ئەوەی پێویستە بیزانیت: دوایین ئۆپەراسیۆن بە ناوی" نارکۆچەلیک-29" لە پارێزگاکانی دیاربەکر، ئەرزڕووم، مەڵەتی، سیرت، وان، ئەدەنە، سەکاریا، ئەنتاڵیا، غازی عەنتاب و چەند پارێزگایەکی دیکە کرا و ژمارەیەکی زۆر بازرگان دەستبەسەرکران.

ڕاگەیێنراوی فەرمی: عەلی یەرلیکایە، وەزیری ناوخۆی تورکیا ڕایگەیاند، لەو ئۆپەراسیۆنەدا 103 بازرگانی ماددەی هۆشبەر دەستگیركران و 45 بازرگانی دیكەش فەرمانی دەستگیركردنیان بۆ دەرچووە.

ژمارەکان وادەڵێن: لە ئۆپەراسیۆنەکاندا دەست بەسەر یەک تۆن و 331 کیلۆ مادەی هۆشبەر، نۆ ملیۆن و 258 هەزار و 811 پارچە ڕەگی حەشیش، چوا هەزار و 481 پارچە حەبی مادەی هۆشبەر دەستی بەسەردا گیراوە.