سەرکۆماری تورکیا: تیرۆرکردنی هەنیە بۆ تۆقاندنی فەلەستینییەکانە

ئاڤا نیوز

سەرکۆماری تورکیا زۆر بە توندی سەرکۆنە و نەفرەت لە کوشتنی ئیسماعیل هەنیە، سەرۆکی مەکتەبی سیاسیی بزووتنەوەی حەماس دەکات و ڕووداوەکە بە وەشاندنی چەقۆیەک بۆ ترساندنی فەلەستینییەکان دادەنێت.

 

وێنە گەورەکە: تورکیا یەکێکە لەو وڵاتانەی پشتیوانیی بزووتنەوەی حەماس لە دژی ئیسرائیل دەکات، ئیسماعیل هەنیەش بە دۆستی نزیکی ئەردۆغان ناسراوە.

 

ڕاگەیێنراوی فەرمی: ئەردۆغان لە ئێکس نووسیویەتی: "ئەمە کارێکی نەفرەتییە کە ئامانج لێی تێکدانی دۆزی فەلەستین، هەوڵی شکۆمەندانەی غەززە، خەباتی دادپەروەرانەی برا فەلەستینییەکان و داماڵینی ورە و تۆقاندنیانە".

 

زانیاریی زیاتر: ئەردۆغان پێی وایە: "زایۆنیست وەک هەموو جارێک بەم کارەشی ئامانجەکانی ناپێکێت".