پەیوەند جاف: لەدەستدانی دایکم ڕەنگدانەوەی لەسەر بەرهەمەکانم هەبووە

ئاڤا نیوز

 

پەیوەند جاف، هونەرمەندی گۆرانیبێژ قسەی بۆ ئاڤا نیوز کردووە و وەڵامی کۆمەڵێک پرسیاری داوەتەوە. 

 

ئاڤا نیوز: پێشكه‌وتنی ته‌كنه‌لۆژیا و تۆره‌ كۆمه‌ڵایه‌تییه‌كان چ كاریگه‌رییه‌كی له‌سه‌ر هونه‌ری كوردی هه‌بووه‌؟

پەیوەند جاف: كاریگه‌رییه‌كه‌ی دوولایه‌نه‌یه‌، كارئاسانی بۆ هه‌ندیك گه‌نج كردووه‌ كه‌ بتوانن ده‌نگی خۆیان و هونه‌رەکەیان بگه‌یه‌نن، له‌ هه‌مانكاتدا به‌ خراپیش به‌كاردێت كه‌ هه‌ندێك كه‌س به‌هایه‌كی وا به‌ هونه‌ری كوردی پێشكه‌ش ناكه‌ن و له‌ قه‌باره‌ی خۆیان گه‌وره‌تر ده‌كرێن.

 

ئاڤا نیوز: پەیامی په‌یوه‌ند جاف بۆ هەوادارەکانی چییە و پڕۆژەی نوێی هەیە؟

پەیوەند جاف: نزیكه‌ی مانگێك ئه‌بێت تازه‌ترین كلیپم بڵاوكردووەتەوە به‌ ناوی (مه‌چۆ)، هه‌ندێك به‌رهه‌می دیکەم هه‌یه‌ كاری له‌سه‌ر ده‌كه‌م كه‌ یه‌كێكیان ئاوازی ئارام تەهایە و كاری ده‌نگ و میوزیكی ته‌واو بووه‌، له‌ داهاتوو بڵاوده‌كرێته‌وه‌.

 

ئاڤا نیوز: له‌ هه‌ڵبژاردنی هۆنراوه‌ و ئاواز چ ستانداردێك په‌یڕه‌و ده‌كه‌یت؟

پەیوەند جاف: له‌باره‌ی هه‌ڵبژاردنی هۆنراوه‌ من به‌ هاورێ شاعیره‌كانم ده‌ڵێم، له‌سه‌ر چ بابه‌تێك هۆنراوه‌م بۆ ئاماده‌ بكه‌ن یان هه‌ندێكجار هۆنراوه‌كه‌ هه‌یه‌ و ئه‌و خه‌یاڵه‌ی من هه‌مه‌ له‌ هۆنراوه‌كه‌دا هەیە. 

 

ئاڤا نیوز: له‌ ده‌ستدانی دایكت و شیركۆ بێكه‌س، تا چه‌ند كاریگه‌ری له‌ به‌رهه‌مه‌كانتدا هەبووە؟

پەیوەند جاف: له‌ ده‌ستدانی ئه‌و كه‌سه‌ نزیكانه، هه‌ست و سۆز ده‌جوڵێنێت و ئه‌وه‌ش ڕه‌نگدانه‌وه‌ی له‌ به‌رهه‌مه‌كانمدا هەبووە.

 

ئاڤا نیوز: بۆ ئه‌مساڵ نیازی كۆنسێرت یان ئاهه‌نگت بۆ هه‌واداران هەیە؟

پەیوەند جاف: زیاتر له‌ ده‌ره‌وه‌ی وڵات به‌رنامه‌ی ئاهه‌نگم هه‌یه‌ و ئه‌گه‌ر بوار ڕه‌خسا له‌ كوردستانیش پێمخۆشه‌ كارێكی هونه‌ری جوان پێشكه‌ش بكه‌م.

 

پەیوەند جاف ساڵی 1968 لە شاری هەڵەبجە لەدایکبووە و لە شاری سلێمانی گەورە بووە. لە ساڵی 1993 چووەتە دەرەوەی وڵات و لە ساڵی 1995ـەوە کاری ھونەری دەکات، خاوەنی چەندین ئەلبووم و ڤیدیۆکلیپە.