درۆنی ئیسرائیل ئۆتۆمبێلێك لەسەر ڕێگەی دیمەشق- بەیرووت دەكاتە ئامانج

ئاڤا نیوز

سوپای ئیسرائیل لە رێگەی درۆنەوە ئۆتۆمبێلێك لەسەر ڕێگەی دیمەشق – بەیرووت دەكاتە ئامانج، زانیارییە سەرەتاییەکان باس لە کوژرانی کەسێک دەکەن.

ڕاگەیێنراوی فەرمی: ڕوانگەی سووری بۆ مافەکانی مرۆڤ ڕایگەیاند: درۆنێکی سوپای ئیسرائیل ئۆتۆمبێلێك لەسەر ڕێگەی دیمەشق – بەیرووت لە نزیک ناوچەی زەبەدانی دەكاتە ئامانج و بەهۆیەوە کەسێک لە نێو ئۆتۆمبێلەکەدا دەکوژرێت.

لە لایەکی دیکەوە: شەوی رابردوو سوپای ئیسرائیل هێرشی ئاسمانی کردە سەر ناوچەی دەروازەی مەترەبا کە بەناو هێزەکانی ڕژێمی سووریای لێیە، بەڵام لەلایەن حیزبوڵڵاوە بەکاردەهێنرێت بۆ گواستنەوەی بارهەڵگر و کارمەندان لە لوبنانەوە بۆ سووریا و بەپێچەوانەشەوە.

زانیاریی زیاتر: یەکێک لە هێرشەکان کاروانێکی بارهەڵگری کردە ئامانج و ئەوی دیکەیان بە ئامانجگرتنی کێڵگەیەک بوو لە گوندەکانی دەوروبەری شاری حومس، ئەو ناوچەیە لەژێر کۆنتڕۆڵی "حیزبوڵڵا"ی لوبنانییە، لە ئەنجامی هێرشەکە چەند بارهەڵگرێک سووتان.