شەش هەزار خاوەنپێداویستی تایبەت لە وەرگرتنی زەوی سوودمەند دەبن

ئاڤا نیوز

 

 

 شەش هەزار خاوەنپێداویستی تایبەت لە وەرگرتنی زەوی سوودمەند دەبن، پرۆسەکە ئەو فەرمانبەرانەش دەگرێتەوە کە خاوەنپێداویستی تایبەتن و لە فەرمانگەکانی حکومەتی هەرێمی کوردستان دەوام دەکەن.

 

وێنە گەورەکە: 200 هەزار فەرمانبەر و خانەنشین بە سنووری ماددەی 140 ـیشەوە لە نزیکترین سنووری شارەوانیان زەوی وەردەگرن، وەزارەتی کار داواکاری بۆ سوودمەندبوونی خاوەنپێداویستییە تایبەتەکانیش پێشکەشکردووە.

 

لێدوانی فەرمی: ئاریان ئەحمەد، گوتەبێژی وەزارەتی کار و کاروباری کۆمەڵایەتی بە ئاڤا نیوزی گوت، "شەش هەزار خاوەنپێداویستی تایبەت کە فەرمانبەرن لە وەرگرتنی زەوی سوودمەند دەبن و خاڵی زیاتریان بۆ هەژماردەکرێت."

 

زانیاریی زیاتر: وەزارەتی کار و کاروباری کۆمەڵایەتی داواکاری بۆ ئەنجوومەنی وەزیرانی هەرێمی کوردستان بەرزکردووەتەوە، بۆ ئەوەی خاوەن پێداویستییە تایبەتەکان، ئەوانەی فەرمانبەر نین لەو پڕۆسەیە سوودمەند ببن، گوتەبێژی وەزارەتی کار و کاروباری کۆمەڵایەتی وای گوت.