لە کاتی گوتاری نەسروڵڵا فڕۆکەی جەنگیی ئیسرائیل بەسەر ئاسمانی بەیروت دەسووڕێتەوە

ئاڤا نیوز

 

 لە کاتی گوتاری حەسەن نەسروڵڵا، ئەمینداری گشتی حیزبوڵڵا، فڕۆکەی جەنگیی ئیسرائیل لە ئاسمانی بەیروت دەسوڕێنەوە و دەنگی چوار تەقینەوەش لە شارەکە بیستران.

 

وێنە گەورەکە: ئیسرائیل بۆ چەندین جار هەڕەشەی هێرشکردنە سەر حیزبوڵڵای لوبنانی سەر بە ئێرانی کردووە، سووڕانەوەی فڕۆکەی جەنگیی ئیسرائیلیش بەسەر ئاسمانی بەیروتدا، وەک پەیامێکی ڕوونی ئیسرائیل لێکدەدرێتەوە بۆ دەستپێکردنی شەڕە چاوەڕوانکراوەکە. 

 

ئەوەی ئێستا ڕوودەدات: دەنگی فڕۆکەی جەنگی ئیسرائیلی لە کفر کیلای لوبنان دەبیسترێت کە بە ژێرخانی حیزبوڵڵا دادەنرێت و لە چوار شوێنەوە دەنگی تەقینەوە بیستراوە. تاوەکو ئێستا حیزبوڵڵا وەڵامی نەبووە.

 

ئەوەی لە بارەیەوە دەگوترێت: حیزبوڵڵا وەڵامی ئەم پێشێلکردنەی سەروەریی ئاسمانی لوبنان لەلایەن ئیسرائیلەوە دەداتەوە بەوەی لە کاتی گوتاری نەسڕوڵڵا، تەلئەڤیڤ فڕۆکەی ناردە ئاسمانی وڵاتەکەیان کە حیزبوڵڵا بە کردەوەیەکی "ئیستفزاز"ـی ناودەبات.