هێڵی ئاسمانی لوفتهانزای ئەڵمانی ماوەی ڕاگرتنی گەشتەکانی بۆ هەولێر و بەغدا درێژکردەوە

ئاڤا نیوز

گرووپی فڕۆکەوانی هێڵی ئاسمانی لوفتهانزای ئەڵمانی، دوای ئەوەی بەهۆی پێشهاتەکانی ڕۆژهەڵاتی ناوەڕاست، سەرجەم گەشتە ئاسمانییەکانیان تاوەکو حەوتی ئاب بۆ ئاسمانی هەولێر و بەغدا ڕاگرتبوو، ماوەکەی بۆ 13ـی ئاب درێژکردەوە. 

 

وێنە گەورەکە: پەرەسەندنی خێرای گرژییەکانی ڕۆژهەڵاتی ناوەڕاست کاریگەریی ڕاستەوخۆی لەسەر کۆمپانیا گەشتیارییەکان دروست کردووە و بووەتە هۆی ئەوەی زۆربەی گەشتە ئاسمانییەکان بۆ بەیروت، تاران و تێلئەڤیڤ ڕابگرن.

 

ڕاگەیێنراوی فەرمی: لە چەند ڕۆژی ڕابردوودا گرووپی لوفتهانزا ڕایگەیاند، گەشتە ئاسمانییەکانیان بۆ عەممانی پایتەختی ئوردن و شاری هەولێری پایتەختی هەرێمی کوردستان تاوەکو حەوتی ئاب ڕادەگرن، ئەمەش بە دوای بە شیکردنەوەی دۆخی ئەمنی ناوچەکە.

 

زانیاریی بەدەستهاتوو: گرووپەکە کە کۆمپانیاکانی هێڵی ئاسمانی نێودەوڵەتیی سویسرا، هێڵی ئاسمانی نەمسا و یۆرۆوینگ لەخۆدەگرێت، سەرجەم گەشتەکانی بۆ تێلئەڤیڤ، تاران و بەیرووت تاوەکو 12ـی ئاب ڕاگیراون.

 

باکگراوند: لە ماوەی هەفتەی ڕابردوودا گرژییەکان لە ناوچەکەدا بەهۆی کوشتنی سەرۆکی مەکتەبی سیاسیی حەماس لە تاران و هێرشی ئیسرائیل بۆ بەیرووت کە بووە هۆی کوژرانی فەرماندەیەکی باڵای گرووپی چەکداریی حیزبوڵڵای لوبنان، پەرەی سەندووە.