قەرەیلان: هەرچەندە باوەڕمان بە ئۆجەلان هەیە لە بڕیاری چەکدانان بەڵام ئامادەین بۆ شەڕ

ئاڤا نیوز

موراد قەرەیلان، ئەندامی كۆمیتەی ناوەندیی پەكەكە سەبارەت بە بەردەوامبوونی سوپای توركیا لەسەر بۆردومان و شەڕ، دەڵێت ئەگەر لەسەر ئەو تووندیانەیان بەردەوام بن ئەوا بەو زمانە وەڵامیان دەدەینەوە كە تێیدەگەن.

وێنە گەورەکە: ڕۆژی 5 بۆ 7 ئەم مانگە، پەكەكە كۆنگرەی خۆی بەست و چەند ڕۆژێك دواتر ناوەڕۆكی بڕیارەكانی كۆنگرە بڵاوكرایەوە، بەڵام ئەمڕۆ بەشێك لە گوتارێكی موراد قەرەیلان كە لەمیانەی بەشداریكردنی لە كۆنگرە پێشكەشی كردووە لەلایەن میدیاكانی پەكەكە بڵاو كراوەتەوە كە هەردوو ئاراستەی ئاشتی و شەڕیشی تێدایە.

لێدوانی فەرمی: موراد قەرەیلان دەڵێت: شتی هەرە باش لە قۆناغی ئێستا، كە قۆناغێكی گرنگە یەکدەستی و یەکهەڵوێستییە، وێڕای كەموكوڕییەكان بەڵام نزیكبوونەوەیەك لە ئارادایە. عەبدوڵڵا ئۆجەلان ئەگەر لە بابەتێك دڵنیا نەبێت ئەوا ناچێتە نێو هیچ كارێكەوە، مادام ئەو لە پرۆسەكە دڵنیایە كەواتە مسۆگەرە.

لەلایەکی دیکەوە: قەرەیلان جەختیش دەكاتەوە كە هەرچەندە باوەڕیان بە ڕێنوێنی و بڕیارەكانی ڕێبەرەكەیانە، بەڵام ئامادەكاریش بۆ شێوازی نوێی شەڕ دەكەن  و هێشتا خاوەن هێزێكی كاریگەرن.