قەزای پێنجوێن نزیکەی 20 ساڵە مۆلیدەی تێدا بەکار نەهاتووە

ئاڤا نیوز

قەزای پێنجوێن نزیکەی 20 ساڵە مۆلیدەی تێدا بەکار نەهاتووە، بەهۆی ئەوەی كارەبای 24 كاتژمێرییان هەیە.

وێنە گەورەکە: لەساڵی 2006 ەوە قەزای پێنجوێن کارەبای 24 کاتژمێرییان هەیە، بەهۆی ئەوەی بڕی بەکارهێنانیان دیاریکراوەو جۆزەی 16ئەمپێرییان بۆ هەموو ماڵەکان داناوە.

لێدوانی فەرمی: هێمن ئیبراهیم، قایمقامی قەزای پێنجوێن بەئاڤانیوزی ڕاگەیاند:" هەتا ساڵی 2014 بەهۆی گرێبەستی نێوان حکومەتی عێراق و ئێرانەوە، بڕی 20 مێگاوات کارەبا دابین دەکرا، بەڵام لەوکاتەوە حکومەتی هەرێمی کوردستان دابینی دەکات و بڕەکەشی زیاترە لە 30 مێگاوات.

زانیاریی زیاتر: پێنجوێن ناوچەیەکی سنوورییەو هێڵی گەرمی بازرگانی و گەشتیارییە لەنێوان کۆماری ئیسلامی ئێران و حکومەتی هەرێمی کوردستان، بەهۆی دەروازەی نێودەوڵەتی باشماخەوە.