ئیسرائیل هۆشداری بۆردوومانکردنی خان یونس دەدات

ئاڤا نیوز

 

سوپای ئیسرائیل زەنگی ئاگادارکردنەوەی بۆردوومانی ناوچەیەکی دیکەی خان یونس لە غەززە دەدات، کە ئاوارەکانی تێدا دەژین و ناچاریان دەکات ئەو ناوچەیە چۆڵ بکەن.

 

وێنە گەورەکە: ئیسرائیل بە بیانووی بوونی چەکدارانی حەماس ئەو شوێنانەی ئاوارەکان تێیدا دەژین دەکاتە ئامانج، بە هەزاران ژن و منداڵ بەهۆی ئەو هێرشانەوەی گیانیان لەدەستداوە.

 

بڵاوکراوەی فەرمی: ئەفیخای ئەدرەعی، گوتەبێژی سوپای ئیسرائیل لە ئێکس ڕایگەیاندووە، ئەوانەی لە ناوچەی بلۆکی 36 دەژین پێویستە ئەم ناوچەیە بەجێبهێڵن و مانەوەتان مەترسیدارە.

 

ژمارەکان وادەڵێن: لە ماوەی 11 مانگی شەڕی حەماس و ئیسرائیل، ژمارەی ئەو کەسانەی بە زۆرەملێ ماڵەکانیان پێ چۆڵکراوە لە کۆی گشتی 2 ملیۆن و 300 ملیۆن کەس، دوو ملیۆنیان ئاوارە بوون.

 

باکگراوند: لە 7ی ئۆکتۆبەر شەڕی حەماس و ئیسرائیل دەستی پێکرد، تاوەکو ئێستا 40 هەزار کەس گیانیان لەدەستداوە.