فڕنی مایکرۆوەیڤ زیاتر لە 700 جۆر بەکتریا لەخۆدەگرێت

ئاڤا نیوز

توێژینەوەیەکی نوێ دەریدەخات فڕنی مایکرۆوەیڤ دەتوانێت زیاتر لە 700 جۆر بەکتریای جیاواز لەخۆبگرێت.

بڵاوکراوەی فەرمی: لە توێژینەوەیەکی زانستیدا کە لە ئیسپانیا کراوە، دەرکەوتووە فڕنی مایکرۆوەیڤ سەدان جۆری بەکتریا لەخۆدەگرێت. هەروەها هەندێک لە بەکتاریاکان دەتوانن بەرگەی ئەو تیشکانە بگرن کە لەکاتی کارپێکردنیاندا لە فڕنەکان دەردەچن.

ئەوەی پێوستە بیزانیت: لە توێژینەوەکەدا توێژەران 30 فڕنی مایکرۆوەیڤی جیاوازیان تاقیکردووەتەوە؛ 10 دانەیان فڕنی مایکرۆوەیڤی ماڵان بوون، 10 شیان فڕنی میوانداریی کۆمپانیاکان و 10ی دیکەش فڕنی تاقیگەی توێژینەوەکان بوون.

چی ڕوویدا: توێژەران لەناوی فڕنەکاندا 747 بەکتریایان بۆ دەرکەوتووە لە 25 جۆری بەکتریای جیاواز، دەرکەوتووە ئەو فڕنانە دەتوانن جۆرە جیاوازەکانی بەکتریا لەخۆ بگرن و بەشێکیان زیانبەخشن.