گەشتکردن بۆ کۆریای باکوور دەستپێدەکاتەوە

ئاڤا نیوز

 

دوای نزیکەی پێنج ساڵ جارێکی دیکە حکومەتی پیۆنگ یانگ ڕێگە بە گەشتیارانی بیانی دەدات سەردانی کۆریای باکوور بکەن.

 

وێنە گەورەکە: دوای پێنج ساڵ لە ڕاگرتنی گەشتەکانی بەهۆی ڤایرۆسی کۆرۆناوە، کۆریای باکوور جارێکی دیکە دەرگاکانی بەڕووی گەشتیارانی بیانی دەکاتەوە، گەشتیاران دەتوانن لە مانگی کانوونی یەکەمی ئەمساڵ گەشت بۆ ئەو وڵاتە بکەن.

 

ڕاگەیێنراوی فەرمی: کۆمپانیای کۆریۆ تۆوریز، کە بنکەکەی لە پەکینە لە پێگەی فەرمی خۆی بڵاوی کردووەتەوە، لەلایەن هاوپەیمانەکانی لە کۆریای باکوور ئاگادار کراونەتەوە، دەتوانن گەشت بۆ سامگیۆن لە مانگی کانوونی یەکەمی ئەمساڵ ڕێکبخەن. 

 

ئەوەی پێویستە بیزانیت: شاری سامگیۆن دەکەوێتە ناوچەیەکی شاخاوی لە نزیک سنووری چین، دەروازەی چیای بایکتۆیە کە شوێنی لە دایکبوونی کیم جونگ ڕێبەری پێشووتری کۆریای باکوورە، ئێستا نەوەکەی کیم جۆنگ ئونگ ئوون سەرمایەکی زۆری بۆ پەرەپێدانی ژێرخانی ئەو ناوچەیە بەگەڕخستووە، چەندین هۆتێل و سەیرانگە و شوێنی خلیسکانێی لەسەر بوونیادناوە.

 

زانیاریی زیاتر: سەرەتای ساڵی 2020 بەهۆی بڵاوبوونەوەی پەتای کۆرۆنا، کۆریای باکوور دەروازەکانی داخست و تەنانەت هاووڵاتییانیشی بۆیان نەبوو بگەڕێنەوە. 

 

ئەمەش بزانە: بەر لە پەتای کۆرۆنا، سەدانی گەشتیاران بۆ کۆریای باکوور سنوورداربوو، ساڵانە ژمارەکەی نزیکەی 5000 کەس بوو. بەڵام لە دوای مانگی شوباتی ئەمساڵ و سەردانی پووتین بۆ کۆریای باکوور، گەشتیارانی ڕووسی خوازیارن سەردانی ئەو وڵاتە بکەن.