لە ناوەڕاستی سووریا دەنگی ژمارەیەک تەقینەوە بیسترا

ئاڤا نیوز

 

میدیاكانی ئیسرائیل و سووریا بڵاویان کردەوە، له‌ شاری حومسی سووریا، چه‌ند ته‌قینه‌وه‌یه‌ك  ڕوویاندا، ڕوانگەی سووری دەڵێت زیانەکان دیار نین.

وێنە گەورەکە: لە ناوچە جیاوازەکانی سووریا ناوە ناوە ڕووداوی تەقینەوە ڕوودەدەن و هەندێک جار درۆنەکانی ئیسرائیل، هێزە لایەنگرەكانی ئێران لەو وڵاتە دەکەنە ئامانج.

زانیاریی به‌ده‌ستهاتوو: به‌گوێره‌ی میدیاکانی سووریا، تەقینەوەكان پێدەچێت لە ئەنجامی هێرشی ئاسمانی ئیسرائیل بێت بۆ سه‌ر شاری حومس لەنێوەڕاستی ‌سووریا.

لێدوانی فەرمی: ڕامی عەبدولڕەحمان، بەرپرسی ڕوانگەی سووری بۆ مافەکانی مرۆڤ بە ئاڤا نیوزی ڕاگەیاند: "تائێستا هیچ زانیارییەکی پشتڕاستکراوەمان سەبارەت بەم ڕووداوە نییە و لە زیانە گیانی و ماددییەکان ئاگادار نین".