خۆپێشاندانی پەرستارانی ئێران پەرەدەسێنێت

ئاڤا نیوز 

 

پەرستارانی ئێران بەهۆی خراپی بارودۆخی ژیانیانەوە ڕژاونەتە شەقامەكان و ناچنە هۆڵەكانی نەخۆشخانەكانەوە.

 

وێنە گەورەكە: نزیكەی یەك مانگە پزیشك و پەرستاران لە شارە جیاوازەکانی ئێران لەژێر دروشمی "پۆلیس تۆش لە نەخۆشخانە دەخەوێنرێیت" ڕژاونەتە شەقامەكانی ئێران، داوا دەكەن گوزەرانیان باشتر بكرێت و گۆڕانكاری لە سیستمی پێدانی مووچە و شایستەکانیاندا بكرێت.

گۆشەیەكی دیکە: بەرپرسانی تەندروستی ئێران هەڕەشەیان لە پەرستاران كردووە بە كردنەوەی دۆسیەی ئەمنی و دەركردنیان لە كارەكانیان ئەگەر واز لە خۆپێشاندان و مانگرتن نەهێنن.

 

لێدوانی فەرمی: ئەحمەد نەجاتیان، سەرۆکی ڕێکخراوی سیستەمی پەرستاری ئێران، دوێنێ هەواڵی پێدانی داواکارییەکانی پەرستارانی بە زانکۆکانی زانستە پزیشکییەکان ڕاگەیاند، ڕاستەوخۆ دوای ئەم لێدوانەش ستافی پزیشکی بەشێک لە نەخۆشخانەکانی شیراز "بە مەرج" کۆتاییان بە مانگرتنەکەیان هێنا، بەڵام ناڕەزایەتی پەرستارانی شارەکانی دیکە بەردەوامە.

زانیاریی زیاتر: لە سەرتاسەری ئێران لە زیاتر لە 20 شار کە زۆربەیان شاری گەورەن پەرستاران بەردەوامن لە مانگرتن و خۆپێشاندان.