فۆتۆگرافەری ئاڤا بە تابلۆیەک خزمەت بە چایخانەیەکی مێژوویی هەولێر دەکات

ئاڤا نیوز 

محەممەد شوانی، فۆتۆگرافەری ئاڤامیدیا تابلۆیەکی بەناوی جوامێرانی هەولێر پێشکەشی چایخانەی مام خەلیل لە بازاڕی قەیسەریی هەولێر کرد.

وێنەگەورەکە: 19.8 رۆژی جیهانی فۆتۆگرافەرانە، ساڵانە لەسەرتاسەری جیهان بە چالاکی جۆراوجۆر یادی ئەو رۆژە دەکرێتەوە.

لێدوانی فەرمی: محەممەد شوانی، فۆتۆگرافەری ئاڤامیدیا گوتی: ئەم تابلۆیە گوزارشتە لە گۆشەیەکی کولتووری و مێژوویی هەولێر، چایخانەی مام خەلیلیش بەشێکی گرنگ و زیندووی مێژووی بازاڕی قەیسەری هەولێرە، بۆیە ئەم تابلۆیەم پێشکەش کرد.

ئەوەی پێویستە بیزانیت: لە چایخانەی مام خەلیل، وێنەی کەسایەتییە دیارەکانی هەرێمی کوردستان و عێراق و ئەو کەسایەتیانەی سەردانی چایخانەکەیان کردووە نمایشکراون.

باکگراوند: چایخانەی مام خەلیل چایخانەیەکی کۆنی شاری هەولێرە، دەکەوێتە بازاڕی قەیسەریی و مێژووی دروست بوونی دەگەڕێتەوە بۆ ساڵی 1952.