تا ناوەڕاستی مانگی نۆ تیمێکی قەتەر سەردانی زاخۆ دەکات

ئاڤا نیوز  

بەڕێوەبەری ڕاگەیاندنی وەبەرهێنانی زاخۆ ڕایگەیاند، تیمێکی تەکنیکی قەتەر بەم نزیکانە سەردانی زاخۆ دەکەن، بۆ پشکنینی ئەو زەوییانەی پێشنیازکراون بۆ ئەنجامدانی چەند پڕۆژەیەک.

وێنە گەورەکە: لە دوای سەردانی شاندێکی ئیدارەی سەربەخۆی زاخۆ بۆ دەوحە، کۆمپانیایەکی قەتەری لەسەر ئەرکی خۆی چەند پڕۆژەیەک لە زاخۆ جێبەجێ دەکات.

لێدوانی فەرمی: عەبدولڕەحمان عەبدوڵڵا، بەڕێوەبەری ڕاگەیاندن و لێکۆڵینەوە و زانیاریی لە بەڕێوەبەرایەتی گشتیی وەبەرهێنان لە زاخۆ بە ئاڤا نیوزی ڕاگەیاند: "بڕیارە قەتەر سێ پڕۆژە لە زاخۆ جێبەجێ بکات، شوێنەکان تەنیا دەستنیشانکراون تا ناوەڕاستی مانگی نۆ تیمێکی قەتەر سەردانی زاخۆ دەکەن بۆ پشکنینی ئەو زەوییانەی پێشنیازکراون بۆ ئەنجامدانی پڕۆژەکان ".

ئەوەی پێویستە بیزانیت: یەکێک لە پڕۆژەکان دروستکردنی خواردنگەیەکە بە ناوی بازوکا کە دەکەوێتە نزیک کۆرنیشی زاخۆ،  لە نزیک سکری زاخۆ کە هێشتا نەکەوتووەتە بواری جێبەجێکردنەوە پڕۆژەیەکی کشتوکاڵی دروستدەکرێت، هەروەها دروستکردنی پڕۆژەی کارگەی گۆشت کە دەکەوێتە ناوچەی حەسەن ئاڤا. عەبدولڕەحمان عەبدوڵڵا وادەڵێت.