ئەمڕۆ بە سپۆنسەریی ئاڤا میدیا فیلمی کفن لە سلێمانی نمایش دەکرێت

ئاڤا نیوز 

ئەمڕۆ لە شاری سلێمانی فیلمی کفن نمایش دەکرێت، کە فیلمێکی ترسناکی کوردییە و لەلایەن کۆمپانیای میترۆنۆمەوە بەرهەم هاتووە. 

وێنە گەورەکە: فیلمی کفن یەکەمین فیلمی سینەمایی کوردیی ترسناکە، چەندین ئەکتەری ناوداری کورد بەشدارییان تێدا کردووە و باس لە نوشتە و جادوو دەکات کە دیاردەیەکی نێو کۆمەڵگەی کوردییە.

زانیاریی زیاتر: فیلمەکە لە دەرهێنانی سرووشت عەبەڕەشە و لەلایەن کۆمپانیای میترۆنۆم پرۆدەکشنەوە بەرهەم هاتووە، هەریەکە لە نزار سەلامی، چریکە عەبەڕەش و کارۆ سەوز ڕۆڵی سەرەکی تێدا دەگێڕن. 

لێدوانی فەرمی: باهۆز نەسرەدین، پرۆدیوسەری فیلمی کفن بە ئاڤا نیوزی گوت: هەموو ئامادەکارییەکان بۆ ڕێوڕەسمی فەرشی سووری فیلمی کفن تەواو بووە، ئەمڕۆ کاتژمێر 7:30 لە هۆڵی سیتی سینەما لە شاری سلێمانی نمایش دەکرێت، دواتر لە ڕۆژی 22-8-2024  لە سینەماکانی کوردستان بەردەست دەبێت.