هەفتەی داهاتوو تەرزاووی پێداچوونەوەی مانگی هەشت بۆ بە‌غدا دەنێردرێت

ئاڤا نیوز

وەزارەتی دارایی و ئابووری هەرێمی کوردستان دوای ناردنی لیستی مووچەی مانگی هەشتی مووچەخۆران، تەرازووی پێداچوونەوە (میزان موراجەعە)ـش تەواوکرد، بەڵام چەند دەستکارییەک کراوە و لە چەند ڕۆژی داهاتوو ڕەوانە دەکرێت.

چیرۆکی سەرەکی: ئەنجوومەنی وەزیرانی عێراق بڕیاری خەرجکردنی مووچەی مانگی حەوتی داوە، وەزارەتی دارایی هەرێمی کوردستان کار لەسەر ئەوە دەکات مووچەی مانگی هەشتیش بەمنزیکانە خەرج بکرێت، بۆ ئەو مەبەستە کار لەسەر تەواوکردنی تەرازووی پێداچوونەوەی مانگی هەشت دەکرێت.

زانیاریی تایبەت: سەرچاوەیەک لە وەزارەتی دارایی و ئابووری هەرێمی کوردستان بە ئاڤای گوت، "تەرازووی پێداچوونەوە (میزان موراجەعە) پێشووتر تەواوکرابوو، بەڵام چەند گرفتێکی هەبوو ئێستا ڕێکمانخستووەتەوە و هەفتەی داهاتوو بۆ وەزارەتی دارایی عێراقی دەنێرین."

ئەوەی پێویستە بیزانیت: تەرازووی پێداچوونەوە، ڕاپۆرتێکی ژمێریارییە کە یەکەی داهات و خەرجکردن هەژمارێک لە تۆمارێکی گشتیدا لەخۆ دەگرێت. ئەم ڕاپۆرتە پشتڕاستی دەکاتەوە کە کۆی هەژماری دامەزراوەکە یەکسان و هاوسەنگە بە کۆی خەرجییەکانی هەمان دامەزراوە.