مقاوەمەی ئیسلامی: وەک پشتیوانییەک بۆ غەززە ئیسرائیلمان بۆردوومان کرد

ئاڤا نیوز

 

 

ئەمڕۆ مقاوەمەی ئیسلامی لە عێراق  بە کاتیۆشا بۆردوومانی ئیسرائیلی کرد. وەک خۆیان دەڵێن, وەڵامێک بوو بۆ کوشتنی یەکێک لە سەرکردەکانی حیزبوڵڵای لوبنان لەلایەن تەلئەڤیڤەوە.

 

وێنە گەورەکە: لە ڕۆژی 20ـی ئەم مانگە ئیسرائیل، حوسێن عەلی حوسێن، یەکێک لە سەرکردە دیارەکانی یەکەی مووشەکیی حیزبوڵڵای کوشت. لەبەرامبەردا مقاوەمەی ئیسلامی لە عێراق کە لە چەند گرووپێکی چەکداریی سەر بە ئێران پێکدێت، بۆردوومانی ئیسرائیلی کرد.

 

ڕاگەیێنراوی فەرمی:  ئەمڕۆ 20ـی ئابی 2024 لە بەیاننامەیەکدا مقاوەمەی ئیسلامی لە عێراق بڵاوی کردەوە، بە مووشەکی کاتیۆشا بۆردوومانی سەربازگەی شومیرای لە ئیسرائیل کرد. 

 

ئەوەی پێویستە بیزانیت: ئەم هێرشانەی ئیسرائیل و گرووپە چەکدارەکانی سەر بە ئێران لە کاتێکدایە، دانوستانەکانی نێوان حەماس و ئیسرائیل بە نێوەندگیری قەتەر، میسر و ئەمریکا بەڕێوەدەچێت و وەزیری دەرەوەی ئەمریکا ڕایگەیاندووە، ئیسرائیل پابەند دەبێت بە ڕێککەوتنی ئاگربەستی غەززە.