هۆکارەکانی کەوتنەوخوارەوەی هێلیکۆپتەری ئیبراهیم ڕەئیسی ئاشکرا دەکرێن

ئاڤا نیوز  

ئەنجامی لێكۆڵینەوە لە کەوتنەخوارەوەی هێلیکۆپتەری ئیبراهیم ڕەئیسی، سەرۆککۆماری پێشووی ئێران، ئاشكرا كرا، دەسەڵاتدارانی ئێران دەڵێن بەهۆی بارودۆخی کەشوهەوا و هەڵگرتنی سەرنشینیی زیادە بووە.

وێنە گەورەکە: ڕۆژی 19-05-2024، سەرۆکایەتیی کۆماری ئیسلامیی ئێران کەوتنە خوارەوەی هێلیکۆپتەری ئیبراهیم ڕەئیسی سەرۆککۆمار و ئەمیر عەبدوڵڵاهیان، وەزیری دەرەوە و چەند بەرپرسێكی دیکەی لە کاتی گەڕانەوەیان لە سنووری هاوبەش لەگەڵ ئازەربایجان بەرەو شاری تەورێز ڕاگەیاند.

ڕاگەیێنراوی فەرمی: ئاژانسی هەواڵی فارس لە زاری سەرچاوەیەکی ئەمنیی بڵاویکردەوە: دەسەڵاتدارانی ئێران لێکۆڵینەوەیان لە ڕووداوی کەوتنەخوارەوەی هێلیکۆپتەری رەئیسی تەواوکردووە، هێلیکۆپتەرەکە ڕەئیسی دوو سەرنشینی زیاتر هەڵگرتبوو و لەبەر هەبوونی تەم و مژ نەیتوانیوە بەرەو بەرزی پێویست بفڕێت و بووەتە هۆی  ئەوەی کە بەر لوتکەی شاخ بکەوێت. 

ئەوەی پێویستە بیزانیت: دەزگا هەواڵگەرییەکانی ئێران لێکۆڵینەوەیان لە 30 هەزار کەس کردووە و هیچ زانیاریی و فاکتەرێکی مرۆیی و هۆکاری گوماناوییان نەدۆزیوەتەوە. ئاژانسی فارس وای بڵاوكردووەتەوە.