گازپرۆم: هەناردەکردنی گاز بۆ ئەوروپا لەڕێگەی خاکی ئۆکرایناوە بەردەوامە

ئاڤا نیوز 

گازپرۆمی ڕووسی، لەڕێگەی خاکی ئۆکرایناوە لە ناردنی گازی سروشتی بۆ ئەوروپا بەردەوامە.

وێنە گەورەکە: هێرشی ئۆکراینا بۆ سەر پارێزگای کورسک، نیگەرانی لە بازاڕەکانی ئەوروپا دروستکردووە، سەبارەت بە دابینکردنی گاز لە ڕووسیاوە بۆ ئەوروپا.

ئەوەی پێویستە بیزانیت: هێرشەكە بووە هۆی بەرزبوونەوەی نرخی گاز و تۆمارکردنی بەرزترین ئاست لە مانگی 12 ی ساڵی ڕابردووەوە.

ڕاگەیێنراوی فەرمی: گازپڕۆم ڕایگەیاند، بەردەوام دەبێت لە هەناردەکردنی  گاز لە وێستگەی سودجای ڕووسیا لە پارێزگای کۆرسک، کە لەژێر ‌‌هێرشی هێزەکانی ئۆكراینادایە. 

زانیاریی زیاتر: بۆڕی سودجا تاکە سەرچاوەی گازی ڕوسیایە لە ئۆکرایناوە بۆ ئەوروپا، ساڵانە 15 ملیار مەتر سێجا گاز هەناردە دەکات.