کوردستان ساڵانە زیاتر لە 140 هەزار تۆن گۆشتی مریشک هەناردەی عێراق دەکات

ئاڤا نیوز

  

هەرێمی کوردستان ساڵانە 50%ـی گۆشتی مریشکی بەرهەمهێنراوی خۆی ڕەوانەی شارەکانی ناوەڕاست و خوارووی عێراق دەکات، بەجۆرێک ساڵانە 140 هەزار تۆن گۆشتی مریشک هەناردەی ئەو ناوچانە دەکات.

 

وێنە گەورەکە: هەرێمی کوردستان ساڵانە سەرووی 285 هەزار تۆن  گۆشتی مریشک بەرهەمدەهێنێت، لە کاتێکدا بۆ پڕکردنەوەی پێداویستیی ناوخۆ پێویستی بە 150 هەزار تۆن هەیە، ئەوەی کە زیادە ڕەوانەی شارەکانی خواروو و ناوەڕاستی عێراق دەکرێت. 

 

لێدوانی فەرمی: فیراس سەدیق بەڕێوه‌بەری سامانی ئاژەڵ لە وەزارەتی کشتوکاڵی کوردستان بە ئاڤا میدیای ڕاگەیاند، "عێراق ساڵانە پێویستی بە نزیکەی یەک ملیۆن تۆن گۆشتی مریشک هەیە، لەکاتێکدا خۆی توانای دابینکردنی 400 – 450 هەزار تۆن هەیە، پێداویستییەکانی دیکەی بە بەرهەمی هاوردە پڕ دەکاتەوە.

 

ئەو دەڵێت، "بەشێوەیەکی گشتیی هەرێمی کوردستان لە 50%ـی بەرهەمی گۆشتی مریشکی لە ناوخۆ ساغ دەکاتەوە، لە %50ی دیکەی بەرهەمەکەی ڕەوانەی شارەکانی ناوەڕاست و خوارووی عێراق دەکات".