لە هەولێر كۆگایەكی ماددە هۆشبەرەکان دەستی  بەسەردا گیرا

ئاڤا نیوز

 

بەڕێوەبەرایەتیی نەهێشتنی ماددە هۆشبەرەكان دەستبەسەرداگرتنی کۆگایەکی ماددەی هۆشبەر، 85 كیلۆ کریستاڵ و دەستگیركردنی سێ بازرگانی ماددە هۆشبەرەكانی ڕاگەیاند.

چیرۆکی سەرەکی: باندێكی سێ كەسی لەلایەن بەڕێوەبەرایەتیی نەهێشتنی ماددە هۆشبەرەكانەوە دەستگیركراون، كۆگایەكیان لە باخێك لە نزیك هەولێر هەبووە، لە قەڵادزێوە ماددەی هۆشبەریان هێناوە و مانگانە 100 كیلۆ ماددەی هۆشبەریان لە هەولێر و دهۆك و چەند شارێكی دیكە ساغكردووەتەوە.

ڕاگەیێنراوی فەرمی: بەڕێوەبەرایەتیی نەهێشتنی ماددە هۆشبەرەكان ڕایگەیاند: " باندەکە سێ بازرگان بوون، لەکاتدا دەستیان بەسەر کۆگاکەدا گرتووە بڕی 85 كیلۆ ماددەی كریستاڵی تێدا بووە کە جۆرێکی مەترسیداری ماددەی هۆشبەرە".