فیلمی کفن لە بەغدا نمایش دەکرێت

ئاڤا نیوز

 

فلیمی کفن دوای ئەوەی لە شارەکانی کوردستان ڕیکۆردی تۆمارکرد، بڕیارە لەم هەفتەیەدا لە بەغدا نمایش بکرێت.

 

وێنە گەورەکە: فیلمی کفن یەکەمین فیلمی سینەمایی کوردی ترسناکە، لەلایەن کۆمپانیای میترۆنۆمەوە بە هاوبەشی گرووپی  میدیایی ئاڤا بەرهەمهێنراوە، چەندین ئەکتەری ناوداری کورد بەشدارییان تێدا کردووە و باس لە نووشتە و جادوو دەکات کە دیاردەیەکی نێو کۆمەڵگەی کوردییە.

 

ڕاگەیێنراوی فەرمی: کۆمپانیای سەما عێراق بۆ بەرهەمهێنان و بڵاوکردنەوە و نمایشی فیلمە سینەماییەکان ڕایگەیاند، ڕۆژی 29-8-2024 دەستدەکەن بە نمایشکردنی فلیمی کفن لە بەغدا.

 

ئەوەی پێویستە بیزانیت: فیلمەکە لە چیرۆکێکی ڕاستەقینە وەرگیراوە کە لە شاری سلێمانی ڕوویداوە، ئامانجی هۆشیارکردنەوەی کۆمەڵگا و تاکەکانە لە مەترسییەکانی جادووگەری و جادووگەران بۆ سەر خێزان و کۆمەڵگا.

 

ئەمەش بزانە: ئێستا فیلمی کفن لە سینەماکانی کوردستان نمایش دەکرێت و بۆ ماوەی دوو مانگیش بەردەوام دەبێت.