میت: یەکێک لەو ژنانەی لە سلێمانی کوژرا بەرپرسی پەکەکە بوو

ئاڤا نیوز

 

لە ئۆپەراسیۆنێکی دەزگای هەواڵگریی تورکیا، بەرپرسێکی پارتی کرێکاران لە سنووری دەوروبەری شاری سلێمانی لەلایەن تورکیاوە کرایە ئامانج و کوژرا.

 

بڵاوکراوەی فەرمی: میدیاکانی تورکیا لە زاری هەواڵگری وڵاتەکەیەوە، هەواڵی کوژرانی گوڵستان تێکیک، بەرپرسی پەکەکەیان بڵاوکردەوە کە لە ئۆپەراسیۆنێکدا دوای دیاریکردنی شوێنەکەی کراوەتە ئامانج.

 

وێنە گەورەکە: ئەمە لەکاتێکدایە کە دەسەڵاتدارانی تورکیا بەردەوام باس لە بوونی هێزەکانی پەکەکە لە سنووری شاری سلێمانی دەکەن و چەندین جار هەڕەشەی تەسککردنەوەی ئەو سنوورەیان لێ دەکەن.

 

بۆچوونی لایەنی بەرامبەر: میدیای نزیک لە پەکەکە کوژرانی گوڵستان پشتڕاستدەکەنەوە.