كۆمەڵەی كێڵگە پەلەوەرییەكان سكاڵا دژی بازگەكانی عێراق تۆمار دەكات

ئاڤا نیوز

 

بەهۆی ڕێگریكردن لە چوونی بەرهەمی مریشكی هەرێمی كوردستان بۆ شارەکانی عێراق، كۆمەڵەی كێڵگە پەلەوەرییەكان سكاڵا دژی بازگەكانی عێراق تۆمار دەکات.

 

ڕاگەیێنراوی فەرمی: كۆمەڵەی كێڵگە پەلەوەرییەكانی هەرێمی كوردستان لە ڕاگەیێنراوێكدا ئاشكرای كردووە كە ڕۆژی یەكشەممەی داهاتوو لە دادگای فیدڕاڵی سكاڵا لەدژی بازگەكانی عێراق تۆمار دەكات.

 

هۆكارە زانراوەكان: سكاڵاكە بەهۆی ڕێگریی حكومه‌تی عێراقه‌ لە چوونی بەرهەمی مریشكی هەرێمی كوردستان بۆ شارەکانی ناوەڕاستی عێراق لەڕێگەی بازگەكانەوە.

 

ئەوەش بزانە: ئەم ڕێگرییەی عێراق بووەتە هۆی دابەزینی نرخی كیلۆیەک مریشكی زیندوو بۆ 2500 دینار، خاوەن کێڵگەکان بەو نرخە مریشکەکانیان لەسەرە و بەمەش زیان پێ دەگات.