دۆشاوی تەماتەی هەریر هەناردەی سعودیە دەکرێت

ئاڤا نیوز

 

لە درێژەی هەناردەکردنی بەرهەمی ناوخۆیی بۆ دەرەوەی وڵات، ڕۆژانە 150 تۆن بەرهەمی دۆشاوی تەماتەی هەریر هەناردەی سعودیە دەکرێت و هەنگاوی داهاتووش بۆ وڵاتی کەنەدا دەبێت. 

 

وێنە گەورەکە: سعودیە پێنجەمین وڵاتە کە دۆشاوی تەماتەی هەرێمی کوردستانی بۆ دەچێت، پێشتر دۆشاوی تەماتەی هەریر هەناردەی فینلەند، ئەمریکا، هۆڵەندا و بەریتانیا کراوە.

 

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤا نیوزی ڕاگەیاند: "یەکەم باری دۆشاوی تەماتەی هەریر هەناردەی وڵاتی سعودیە کرا، وڵاتی کەنەداش خوازیارە دۆشاوی تەماتەی هەریری بۆ هەناردە بکرێت".

 

ئەمەش بزانە: زیاتر لە 177 جۆری تەماتە لە عێراق و هەرێمی کوردستان تۆمارکراون و لە بازاڕ دەفرۆشرێن، بەشێکی زۆری تەماتەی کوردستان بۆ پرکردنەوەی پێویستیی ناوخۆ و بەشێکی دیکەش هەناردەی ناوچەکانی نێوەڕاست و خوارووی عێراق دەکرێت.