فێستیڤاڵی فیلمی دهۆک چەند ڕۆژێک بۆ وەرگرتنی فیلم درێژدەکاتەوە

ئاڤا نیوز

فێستیڤاڵی نێودەوڵەتیی فیلمی دهۆک وادەی وەرگرتنی فیلم بۆ هەفتەیەکی دیکە درێژ دەکاتەوە.

 

چیرۆکی سەرەکی: فێستیڤاڵی نێودەوڵەتیی فیلمی دهۆک، فێستیڤاڵێکی فیلمە و ساڵانە لە شاری دهۆک ڕێکدەخرێت، پێش وادەی دەستپێکردنی فێستیڤاڵەکە داوا لە فیلمسازان دەکرێت فیلمەکانیان بۆ فێستیڤاڵ بنێرن، دواتر لەلایەن لێژنەکانی فێستیڤاڵەکەوە فیلمەکان پۆلێن دەکرێن و بۆ بەشە جیاوازەکانی فێستیڤاڵەکە دەپاڵێورێن.

 

ڕاگەیەنراوی فەرمی: فێستیڤاڵی نێودەوڵەتیی فیلمی دهۆک بۆ خولی 11ـەیەمی فێستیڤاڵەکە لە لاپەڕەی فەرمی خۆی لە تۆڕی کۆمەڵایەتی فەیسبووک، درێژکردنەوەی وادەی وەرگرتنی فیلمی بۆ فێستیڤاڵەکە ڕاگەیاند: "وەرگرتنی فیلم تاوەکو بەرواری 7ـی ئەم مانگە درێژکراوەتەوە".

 

باکگراوند: فێستیڤاڵی نێودەوڵەتیی فیلمی دهۆک یەکێکە لە گەورەترین فێستیڤاڵەکانی تایبەت بە سینەما لە هەرێمی کوردستان و عێراق، ماوەی 10 ساڵە بەردەوامە و بڕیارە ئەمساڵ خولی 11ـەیەمی فێستیڤاڵەکە ڕێکبخرێت.