بڕیارێكی نوێ لەبەرژەوەندی هاوبەشانی ئاو دەدرێت

 ئاڤا نیوز

ئەنجوومەنی وەزیرانی هەرێمی كوردستان، ڕەزامەندی لەسەر پێشنیازێکی دووخاڵی وەزارەتی شارەوانی دەکات و کرێی بەستنی ئاو کەمدەکرێتەوە.

وێنە گەورەکە: وەزارەتی شارەوانی و گەشتوگوزار پێشنیازێکی  دوو خاڵی پەیوەست بە بەستنی پێوەری ئاو و داشکاندن لە نرخی بەستنی پێوەرەکەوە خستووەتەڕوو،  ئەنجوومەنی وەزیران ڕەزامەندی لەسەر جێبەجێکردنی داوە، بەو هۆیەوە زیاتر یەک ملیۆن و نیو هاوبەش سوودمەند دەبن.

ڕاگەیێنراوی فەرمی: وەزارەتی شارەوانی و گەشتوگوزار ڕایگەیاند: دوای ئەوەی ئەنجوومەنی وەزیران ڕەزامەندی لەسەر دا، بڕیاری ژمارە 5980ی ساڵی 2022 سەبارەت بەو هاوبەشانەی پێوەریان نەبەستووە كارا كرایەوە، هاوکات  كرێی بەستنی پێوەری ئاو لە 45 هەزار دینارەوە لە سەنتەری شارەكان بۆ 20 هەزار و لە قەزا و ناحیەكانیش بۆ 10 هەزار دینار لێخۆشبوونی تێدا دەكرێت.

بۆچی گرنگە: لە هەرێمی کوردستان ملیۆنێک و 590 هەزار هاوبەشی ئاو تۆمار کراون، لەو ڕێژەیەش 90%ـیان پێوەری ئاویان بەستووە و لەو بڕیارە نوێیەی حکومەتی هەرێمی کوردستان سوودمەند دەبن.