سەرۆک بارزانی: لێکتێگەیشتن باشترین ڕێگەیە بۆ چارەسەری پرسی کوردستان

ئاڤا نیوز

سەرۆک بارزانی ڕایگەیاند " باشترین ڕێگە بۆ چارەسەری پرسی کوردستان، شێوازی لێکتێگەیشتن و یەکتر قبووڵکردن و دیالۆگ و چارەسەری ئاشتییانەیە".

وێنە گەورەکە:ڕۆژی سێشەممە سێی ئەیلوولی 2024 لە سەڵاحەددین سەرۆک بارزانی پێشوازی لە شاندێکی باڵای هوداپار بە سەرۆکایەتیی زەکەریا یاپیجیئۆغلوو، سەرۆکی گشتیی هوداپار کرد.

ڕاگەیێنراوی فەرمی: لەدیدارەکەدا بارودۆخی سیاسیی ناوچەکە و دوا پێشهاتەکان خرایە بەرباس و گفتوگۆ، هەروەها ڕۆشنایی خرایە سەر خەباتی سڤیل بۆ خزمەتکردنی گەلانی تورکیا و پەیوەندییەکانی نێوان پارتی دیموکراتی کوردستان و هوداپار جەخت لە پەرەپێدانی ئەوە پەیوەندییانەش کرایەوە.

زانیاریی زیاتر: بەپێی ڕاگەیێنراوی بارەگای بارزانی، هەر لەو دیدارەدا سەرۆکی گشتیی هوداپار پێزانینی بۆ ڕۆڵی سەرۆک بارزانی لە پێشخستنی دۆزی گەلی کورد هەبوو و خۆشحاڵیی خۆشی بۆ بوونی هەماهەنگی و پەیوەندیی نێوان هوداپار و پارتی دیموکراتی کوردستان خستەڕوو.

بابەتی ستراتیژی: لە بەشێکی تری ئەو دیدارەدا سەرۆک بارزانی وێڕای ئاماژەدان بە مێژووی خەباتی گەلی کوردستان، ئەوەی بە شاندی میوان ڕاگەیاند "باشترین ڕێگە بۆ چارەسەری پرسی کوردستان، شێوازی لێکتێگەیشتن و یەکترقبووڵکردن و دیالۆگ و چارەسەری ئاشتییانەیە".