لە هەولێر یەکەمین سیمپۆزیۆمی نێودەوڵەتی لەبارەی کولتووری سریان ڕێکدەخرێت

ئاڤا نیوز 

 

بە ئامادەبوونی سەرۆکوەزیران بارزانی (یەکەمین سیمپۆزیۆمی سریانی لە نیشتمان) بۆ گفتوگۆکردن لەبارەی 50 توێژینەوە  لە هۆڵی سەعد عەبدوڵڵای شاری هەولێر ڕێکدەخرێت و چوار ڕۆژ بەردەوام دەبێت.

لێدوانی فەرمی: کلدۆ ڕەمزی ئۆغنا، بەڕێوبەری گشتیی ڕۆشنبیری و هونەری سریانی ڕایگەیاند "یەکەم سیمپۆزیۆمی نێودەوڵەتی لەمجۆرەیە، زیاتر لە 40 ئەکادیمیست و توێژەر لە 25 زانکۆی نێودەوڵەتیی بەناوبانگ لە 15 زانکۆی جیهاندا بەشداریی تێدا دەکەن".

ئەوەی پێویستە بیزانیت: دیارترین زانکۆ بەشداربووەکان کامبریج و ئۆکسفۆرد و هارڤاردن، ژمارەیەک توێژەر و ئەکادیمی دیکە لە زانکۆ جیاوازەکانی عێراق بەشدار دەبن. گفتوگۆ لەبارەی 50 توێژینەوە دەکرێت کە لەلایەن لیژنەیەکی زانستىی لەنێو زیاتر لە 100 توێژینەوە هەڵبژێردراون.

 

زانیاریی زیاتر: یەکەمین سیمپۆزیۆمی سریانی لە نیشتمان لەژێر دروشمی "سریانى کولتوورێکی زیندووە، توخمەکانی خۆڕاگریمان بەهێز دەکات" لە 05 تاوەکو 08ـی ئەم مانگە بەردەوام دەبێت.

 

ئەمەش بزانە: ڕێوڕەسمی کردنەوەی سیمپۆزیۆمەکە لە هۆڵی سەعد عەبدوڵڵا دەبێت، دواتر گفتوگۆکانى دیکە لە زانکۆی کاسۆلیکی و هۆڵی کۆنفڕانسی پاتریارک مار یوسفی شەشەم ئودۆ لە دێرى گابرێل دێنبۆ لە عەنکاوە بەڕێوەدەچن.