بەریتانیا: نابێت حەماس لە غەززە دەسەڵاتی بمێنێت

ئاڤا نیوز

لە کۆبوونەوەیدا لەگەڵ شای ئوردن، سەرۆکوەزیرانی بەریتانیا ڕایگەیاند، دەیانەوێت ئاگربەستێکی بەردەوام لە غەززە هەبێت، بەڵام لەپێناو مسۆگەرکردنی ئاسایشی ئیسرائیل، پێویستە حەماس چیتر بەرپرسی کاروباری غەززە نەبێت.

چیرۆکی سەرەکی: دوای ئەوەی ئەمریكای بەجێهێشت، ئەمڕۆ هەینی شا عه‌بدوڵڵای دووه‌م، پاشای ئوردن گەیشتە لەندەن و بۆ گفتوگۆكردن لەبارەی ئاڵۆزییەکانی ڕۆژهەڵاتی ناوەڕاست لەگەڵ ڕیشی سووناک، سەرۆكوەزیرانی بەریتانیا كۆبووەوە.

بابەتە ستراتیژییەکان: هەردوولا کۆک بوون وەک هەنگاوی یەکەم بۆ دەستەبەرکردنی ئاگربەستی مرۆیی، دەستبەجێ بارمتەکان ئازادبکرێن، هەروەها بە قەبارەیەکی گەورەتر هاوکاریی مرۆیی بگەیێنرێتە غەززە.

لێدوانی فەرمی: ڕیشی سووناک بە شای ئوردنی ڕاگەیاندووە: "بەریتانیا دەیەوێت ئاگربەستێکی بەردەوام هەبێت، بۆ ئەمەش پێویستی بەوەیە حەماس چیتر بەرپرسی کاروباری غەززە نەبێت و ئاسایشی ئیسرائیل مسۆگەر بکات".