ئەمریکا پێشوازی لە بڕیارەکەی وەزارەتی ڕۆشنبیری هەرێمی كوردستان دەکات

ئاڤا نیوز

کونسوڵخانەی ئەمریکا لەهەولێر رایگەیاند، پێشوازی لەو بڕیارەی وەزارەتی رۆشنبیری پەیوەست بە میدیاکاران دەکەن، کە دەبووە هۆی بەرتەسککردنەوەی ئازادی رۆژنامەنووسی لە کوردستان. دوای ئەوەى وەزارەتی ڕۆشنبیری بڕیاری هەڵوەشاندنەوەی رێنمایی رێکخستنی کاری میدیايی ژمارە یەكی ساڵی 2023 ى دەرکرد.

 
ڕاگەیێنراوی فەرمی: کونسوڵخانەی گشتی ئەمریکا لە هەولێر ڕایگەیاند: پێشوازی لەو بریارەی وەزارەتی ڕۆشنبیری حكومەتی هەرێمی كوردستان دەكەین، لەبەر ئەوەی ئەو بڕیارە دەبوو مایەی هێنە كایەی مەرجی نوێ و گرتنەبەری رێوشوێنی ئەمنی بۆ ڕۆژنامەنووسانی ئۆنلاین كە هۆكارێكە بۆ بەرتەسككردنەوەی ئازادیی راگەیاندن، ئەمریكا پێیوایە هەڵوەشاندنەوەی ئەو بڕیارە دەریدەخات كە حكومەتی هەرێمی كوردستان بەدەم دواكاریی و نیگەرانییەكانی كۆمەڵگای نێودەوڵەتی دێت".

باکگراوند: پێشتر وەزارەتی ڕۆشنبیریی ڕایگەیاند، ڕێنمایی ژمارەیەكـی ساڵی 2023 تایبەت بە كاری میدیایی هەرێمی كوردستان هەم بۆ ڕێكخستنی میدیای بینراو و بیستراو و هەم بۆ تۆماركردن و ڕێكخستنی میدیای ئەلیكترۆنییە لە هەرێمی كوردستاندا.