سەرۆکوەزیران مەسرور بارزانی و باڵیۆزی بەریتانیا لە عێراق کۆبوونەوە

ئاڤا نیوز

 

سەرۆکوەزیران مەسرور بارزانی و باڵیۆزی بەریتانیا لە عێراق کۆبوونەوە  و چەندین تەوەر تاوتوێ کران.

 

وێنە گەورەکە: ئەمڕۆ سێشەمممە سەرۆکوەزیران مەسرور بارزانی پێشوازی لە ستیڤن هیچن، باڵیۆزی بەریتانیا لە عێراق کرد، دوایین پێشهات و هەوڵەکان بۆ چارەسەرکردنی کێشەکانی نێوان هەولێر و بەغدا گفتوگۆیان لەبارەوە کرا.

 

زانیاریی زیاتر: ئاندرۆ بیزلی، کونسوڵی گشتیی بەریتانیا لە هەرێمی کوردستان ئامادەی دانیشتنەکە بوو، باسی هەڵبژاردنی پەرلەمانی کوردستان کرا و هەردوولا هاوڕابوون لە بەڕێوەچوونی هەڵبژاردن لە کەشێکی ئارام و دوور لە ساختەکاری.

 

ئەمەش بزانە: هەوڵەکانی چارەسەرکردنی کێشەکانی نێوان هەرێمی کوردستان و حکومەتی فیدراڵ، دابینکردنی ماف و شایستە داراییەکانی هەرێم و بەردەوامبوونی پشتیوانیکردنی پێشمەرگە، تەوەرێکی دیکەی گفتوگۆکان بوو.