وەزارەتی دارایی وەڵامی سەعدی پیرە دەداتەوە؛ داهاتی سلێمانی ناگەڕێتەوە هەولێر

ئاڤا نیوز

گوتەبێژی وەزارەتی دارایی لەبارەی داهاتی سلێمانی وەڵامی گوتەبێژی یەکێتیی دەداتەوە و دەڵێت ناگەڕێتەوە هەولێر.

 

وێنە گەورەکە: ڕۆژی شەممە 21-09-2024، سەعدی ئەحمەد پیرە، گوتەبێژی یەکێتی لە گەشتی هەواڵی کاتژمێر 07:00ی ئاڤا میدیا کە هەوراز گوڵپی پێشکەشی دەکات، سەبارەت بە داهاتی سنووری سلێمانی ڕایگەیاند، داهاتی سلێمانی دەگەڕێتەوە هەولێر، گوتەبێژی وەزارەتی داراییش وەڵامی داوەتەوە و دەڵێت هەر لەوێ خەرج دەکرێت.

لێدوانی فەرمی: هونەر جەمال، گوتەبێژی وەزارەتی دارایی و ئابووری لە گەشتی ئەمڕۆ یەکشەممەی کاتژمێر 07:00 وەڵامی گوتەبیژی یەکێتیی دایەوە و گوتی، "کاک سەعدی گوتەبێژە، بەڵام ئاگای لەوە نییە سیولەی سلێمانی ناگەڕێتەوە هەولێر، بەڵکو هەر لەوێ خەرج دەکرێت و تەنها بڕیاری خەرجکردنەکە لەلایەن وەزیری داراییەوە دەدەکرێت، بەشێکیشی ڕادەستی بەغدا دەکرێتەوە."