بۆ هەڵبژاردنی کوردستان لە چەند پارێزگایەکی عێراق سندووقی دەنگدان دادەنرێت

ئاڤا نیوز

 

بۆ هەڵبژاردنی خولی شەشەمی پەرلەمانی کوردستان جگە لە پارێزگاکانی هەرێمی کوردستان، لە کەرکووک، بەغدا و پێنج پارێزگای دیکەی عێراق سندووقی دەنگدان دادەنرێت.

 

وێنە گەورەکە: هەڵبژاردنی خولی شەشەمی پەرلەمانی کوردستان 20ی مانگی داهاتوو بەڕێوەدەچێت، کاتژمێر 12:00ی ئەمشەویش بانگەشەی هەڵبژاردن دەستپێدەکات و  20 ڕۆژ بەردەوام دەبێت.

 

ڕاگەیێنراوی فەرمی: کۆمیسیۆنی سەربەخۆی هەڵبژاردنەکانی عێراق بڵاویکردەوە، لە ڕۆژی دەنگدانی تایبەتدا جگە لە پارێزگاکانی هەرێمی کوردستان، لە بەغدا، کەرکوک، نەینەوا، واست، ئەنبار، دیالە و سەڵاحەدینیش سندووقی دەنگدان دادەنرێت.

 

کۆمیسیۆن دەشڵێت، سندووقی دەنگدان لە دەرەوەی هەرێمی کوردستان تەنها بۆ ڕۆژی دەنگدانی تایبەت دەبێت و هێزە ئەمنییەکانی هەرێمی کوردستان کە دەوامیان لەدەرەوەی پارێزگاکانیانە دەتوانن بەشداریی تێدا بکەن، پاسەوانەکانی سەرۆکایەتی کۆماریش لە بەغدا دەتوانن دەنگ بدەن.