ئەمریکا 20 ملیۆن دۆلار دەداتە هەر کەسێک زانیاریی لەسەر ئەندامێکی سوپای پاسداران بدات

ئاڤا نیوز

 

وەزارەتی دەرەوەی ئەمریکا ڕایگەیاند، بڕی 20 ملیۆن دۆلار پاداشت دەدات بە هەر کەسێک کە زانیاریی گرنگ سەبارەت بە ئەندامێکی سوپای پاسداران بداتە واشنتن.

 

وێنە گەورەکە: ئەمریکا شەهرام پورسەفی تۆمەتبار کردووە بەوەی ویستوویەتی جۆن بۆڵتن، ڕاوێژکاری ئاسایشی نیشتیمانیی ئەمریکا لە سەردەمی دۆناڵد ترەمپ، تیرۆر بکات؛ ئەمەش لە ڕێگەی پێشنیازی پێدانی 300 هەزار دۆلار بە کەسێک بۆ ئەنجامدانی ئەو کارە.

 

زانیاریی زیاتر: پاداشتەکان دەدرێنە ئەو کەسەی زانیاریی بداتە ئەمریکا کە لە ڕێگەیەوە بتوانرێت شەهرام پورسەفی دەستگیربکرێت.

 

ئەوەی پێویستە بیزانیت: بۆڵتن بە یەکێک لە ڕەخنەگرانی سەرسەختی ئێران دادەنرێت و ساڵی 2018 بەرگریی لە کشانەوەی ئەمریکا لە ڕێککەوتننامە ئەتۆمییەکەی نێوان ئێران و وڵاتانی ڕۆژئاوا کرد. 

 

لەلایەکی دیکەوە: دۆناڵد ترەمپ، سەرۆکی پێشووی ئەمریکا و بەربژێری کۆمارییەکان ڕایگەیاند، ئێران بە دوای ئەوەوە بووە کە پلانێک بۆ تیرۆرکردنی دابنێت.

 

بۆچوونی لایەنی بەرامبەر: ئێران هەر جۆرە هەوڵێک بۆ تیرۆرکردنی ترەمپ یان بەرپرسانی کابینەکەی ڕەتدەکاتەوە.