هێزە ئەمنییەكانی سلێمانی تیمێکی بانگەشەی یەكگرتوو دەستگیر دەكەن

ئاڤا نیوز

 

تیمێكی بانگەشەی یەكگرتووی ئیسلامیی كوردستان كە ژمارەیەك پۆستەر و وێنەی بانگەشەی حیزبەكەیان پێبووە لە بازگەی تاسڵوجە لە سلێمانی لەلایەن هێزە ئەمنییەكانەوە دەستگیر كران.

 

لێدوانی فەرمی: مستەفا ئەحمەد، سەرۆکی لیستی یەكگرتوو لە بازنەی سلێمانی لە تۆمارێكی ڤیدیۆییدا ڕایگەیاند: بەرەبەرەیانی ئەمڕۆ تیمێكی بانگەشەی هەڵبژاردنی یەكگرتوو لەلایەن هێزە ئەمنییەكانی سلێمانییەوە، لە بازگەی تاسڵوجەی شارەكە بۆ ماوەی 45 خولەك ڕاگیراون و بێڕێزیی زۆریان بەرامبەر كراوە.

 

لەلایەكی دیكەوە: ئەو بەربژێرەی یەكگرتوو ئاماژەی بە ئەوەش دا كە دەسەڵاتدارانی سلێمانی بە ئارەزووی خۆیان شەقام دەگرن و سەرپێچیی دەكەن و لەو شوێنانە پۆستەر هەڵدەواسن كە نایاساییە.